Fundargerð fræðsluráðs

166. fundur

haldinn  á Skólaskrifstofu,

mánudaginn 22. september 2008 og hófst hann kl. 08:15

Fundinn sátu auk undirritaðra fræðsluráðsmanna:

Magnús Baldursson, fræðslustjóri, Vigfús Hallgrímsson, þróunarfulltrúi grunnskóla, Helgi Arnarson, áheyrnarfulltrúi skólastjóra grunnskóla, Úlfhildur H. Guðbjartsdóttir og Jóna Karólína Karlsdóttir, áheyrnarfulltrúar grunnskólakennara, Árni Mathiesen, fulltrúi foreldra grunnskólabarna, Sigurborg Kristjánsdóttir, þróunarfulltrúi leikskóla, Alda Agnes Sveinsdóttir, áheyrnarfulltrúi leikskólastjóra, Lóa Björk Hallsdóttir, fulltrúi starfsfólks leikskóla og Martha Ricart, áheyrnarfulltrúi foreldra barna í leikskóla.

Fundargerð ritaði:  Guðrún Guðmundsdóttir, ritari

Dagskrá:

            Almenn erindi

1. 0809197 - Tilkynning um breytingar við framkvæmd samræmdra könnunarprófa
Lagt fram bréf frá menntamálaráðuneytinu þar sem tilkynnt er um breytingar við framkvæmd samræmdra könnunarprófa skv. nýjum lögum um grunnskóla nr. 91/2008.

2. 0809198 - Tilkynning um úttekt á sjálfsmatsaðferðum grunnskóla
Lagt fram bréf frá menntamálaráðuneytinu þar sem tilkynnt er um úttekt á sjálfsmatsaðferðum grunnskóla.
Á þessu hausti eru það Áslandsskóli, Hraunvallaskóli, Hvaleyrarskóli og Víðistaðaskóli sem verða teknir út haustið 2008.

3. 0809064 - Stöðugildi í kennslu við grunnskóla Hafnarfjarðar
Lagt fram yfirlit yfir magn kennsluyfirvinnu og fjölda leiðbeinenda í kennslu samanborið við síðasta skólaár.

4. 0809209 - Vígsla skólamannvirkja
Hamravellir, fimmtudaginn 2. október.
Hraunvallaskóli, föstudaginn 3. október.


Áheyrnarfulltrúar grunnskóla viku af fundi kl. 8:35

5. 0809193 - Beiðni um leyfi fyrir rannsókn
Lagt fram bréf frá Svövu Björgu Mörk, leikskólastjóra þar sem hún óskar eftir leyfi til að framkvæma rannsókn á "Uppbyggingu lærdómssamfélags" í  leikskólanum Bjarma.

Fræðsluráð tekur jákvætt í erindið og felur sviðsstjóra afgreiðslu þess.

6. 0809195 - Leikskólinn Álfasteinn - skipulagsdagar
Lagt fram bréf frá skólastjórnendum leikskólans þar sem óskað er eftir að teknir verði þrír samliggjandi skipulagsdagar á vorönn 2009.

Fræðsluráð óskar eftir faglegri umsögn fræðslusviðs og frestar afgreiðslu til næsta fundar.

7. 0809210 - Mat á þörf leikskólarýma
Samkvæmt stefnu fræðsluráðs um bætt þjónustustig hvað varðar inntöku barna á leikskóla Hafnarfjarðar með lækkuðu  aldursviðmiði og breyttar forsendur í íbúaþróun felur fræðsluráð fræðslusviði að vinna eða láta vinna mat í þörf leikskólarýma eftir hverfum í Hafnarfirði.  Í áföngum verði aldursviðmið lækkuð úr 18 mánaða aldri í 15 mánaða aldur og loks 12 mánaða aldur miðað er við að fæðingarorlof lengist í 12 mánuði á tímabilinu.

 Í ljósi þessa leggur formaður  fram eftirfarandi tillögu.

“Fræðsluráð felur fræðslusviði að leggja mat á þörf leikskólarýma í Hafnarfirði miðað við íbúaþróun síðustu ára og áætla íbúaþróun næstu ára út frá eftirfarandi forsendum:

-Öll börn 18 mánaða og eldri fái leikskólavist að hausti og börn í forgangshópi frá lokum töku fæðingarorlofs.

-Öll 15 mánaða börn og eldri og börn í forgangshópi frá lokum töku fæðingarorlofs fái leikskólapláss að hausti  frá haustinu 2010.

-Öll 12 mánaða börn og eldri og forgangshópar sem ekki njóta 12 mánaða fæðingarorlofs, fái leikskólavist frá haustinu 2012, gengið er út frá því að fæðingarorlof hafi verið lengt í 12 mánuði. 


Afgreiðslu frestað til næsta fundar í samræmi við umræður á fundinum.

Áheyrnarfulltrúar vegna leikskóla viku af fundi kl. 9:00

8. 0809207 - Námsflokkar Hafnarfjarðar haust 2008
Theodór Hallsson skólastjóri Námsflokka Hafnarfjarðar mætti til fundarins og fór yfir námsframboð haustannar.

Fræðsluráð þakkar fyrir greinargóða kynningu á umfangsmiklu og metnaðarfullu starfi sem fram fer í Miðstöð símenntunar.

Fleira ekki gert.  Fundi slitið kl.   9:45

Guðni Kjartansson(sign)                                Hafrún Dóra Júlíusdóttir(sign)

Gestur Svavarsson(sign)                               Aldís Yngvadóttir(sign)

Helga Ragnheiður Stefánsdóttir(sign)